Shillong, Mar 10: Meghalaya a•dokni namroro silroroanirangna jakkalenggipa tangka paisarangara a•doktango man•enggipa cholrangchisa ong•a aro nangana bate loan-rangko ra•engani gimin ong•ja ine Sombar salo, a•dokni gro-jinang batrorona kenchake agananirangna a•dokni Chief Minister Conrad K Sangma, Assembly-o talataniko on•angaha.
Chief Minister-ni talatani gitade, batanggimin adita bilsirangni gisepo a•doko man•enggipa tangka paisani cholrang nambatangaha aro sorkari a•dokni tangka paisarangko name jakkalna jotton ka•enga.
Special Assistance to States on Capital Investment (SASCI)-ni ning•o bilsi 50-na on•enggipa loan aro Externally Aided Project (EAP)-ranga, indin man•enggipa tangka paisarang gitasa ong•enga ine Sangma talataniko on•angaha.
Budget-ni bidingo chanchirimanirangna aganchakaniko on•angengon, “A•doko namroro silroroani kamrangko sorkari, ra•sroenggipa tangka paisarangchisa ra•baenga ine ma•sisretani aro ia grorangko a•dokni manderangsa chotpilna nanggen ine agananiara kakket ong•ja,” ine Chief Minister aganaha.
Chief Minister-ni parakatani gitade, ma•mong sorkarioniko man•enggipa central tax-rangara, ka•sae on•enggipa tangka paisarang ong•ja indiba Finance Commission-ni dongimin niam gita a•dokni man•na nanggipa bilan ong•a.
“Uni gimin ia central tax-rangara ma•mong sorkarini tangka paisarangsa ine agananiara a•songni niam bidikko pe•anisa ong•enga maina ia kajinarangko Finance Commission-ni dongimin niamo pangchakesa a•dokrangna man•na nangani kri on•enga,” ine Sangma aganaha.
Na·simang ia video-koba nina man·gen:
Na·simang iakoba poraina man·gen: Shillong Govt College of Engineering-ko rikna tangka gong kror 23-ko ma·mong sorkari on·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
