Tura, Aug 16: Meghalaya a•dokni gitcham Chief Minister Salseng C Marak, ru•utbea sal somoirangna sae dongani ja•man Sukrobar pringo, Tura Civil Hospital-o a•gilsakko watangaha. Ua bilsi 83 ong•angaha.
Marak sagiko, re•anggipa August 8 tariko, Tura-ni Holy Cross Hospital-ona ra•bachengaha aro uni ja•man August-ni 12 tariko Tura Civil Hospital-ona apjitangskae, sanna bananiko on•engachim indiba ua nampilna gita man•jae Sukrobar pringo a•gilsakko watangaha.
Uni siangani ja•man Marak sagini manggisiko North Garo Hills a•jani Resubelpara-o donggipa uni nokona ra•angaha aro uko Sonibar salo gope galna sienga.
A•gilsakko wate re•anggipa Salseng C Marak, 1993 bilsioni 1998 bilsiona Meghalaya a•dokni Chief Minister ong•e dilangahachim. Uni chief minister ong•engmiting somoio dingtang dingtang dolrang, uni sorkariko be•gruatna jotton ka•beahaoba ua kim•kim ong•e sorkariko chalaina man•aha aro uandaken bilsi bongana sorkariko be•gruatgija ua an•tangan Chief Minister ong•e a•dokko dilangaha.
Ua Kolkata songjinmani Scottish Church College-o poraiaha aro uni bon•kamgipa salrangona kingkingan ua Congress dolna kakket ong•e kamko ka•angaha. 2003 bilsio Marak, Meghalaya Pradesh Congress Committee (MPCC)-ni president-ba ong•aha.
1970 bilsionin ua, Resubelpara Legislative Assembly Constituency-ni MLA ong•e an•tangni manderangna aro a•jatangna dangdike on•aha indiba 2008 bilsini Assembly election-o ua NCP-ni candidate Timothy D Shira-ni jako amako man•chengaha. 2013 bilsini Assembly election-ode Marak, Resubelpara constituency-o seokako man•piltaiaha indiba 2018 bilsiode Timothy D Shira-ni jakon amako man•piltaiskaaha.
2023 bilsini Assembly election-ode Marak, bilsirang re•angahani gimin aro be•enni gita an•senggijaniko man•rongahani gimin susataiskajaha.
Uni sianganina, Meghalaya a•dokni Chief Minister Conrad K Sangma-ba kalimpaaniko parakataha.
“Gitcham CM Salseng C Marak, a•gilsakko watangaha ine knasoe namen ka•a be•aha. Meghalaya a•dokni namroro silroroanina uni kam ka•anirangko pangnan gisik ra•gen. Uni nokdangna aro uni ka•sagiminrangna angni kalimpaaniko on•atenga. Uni janggi tom•tomao neng•takchina,” ine Chief Minister Conrad K Sangma, ‘X’ social media-o parakataha.
Na·simang ia video-koba nina man·gen:
Na·simang iakoba poraina man·gen: A•songni jakgitelani salo ‘Rapture’ jawilwatko Tura-o mesoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
