Shillong, Dec 26: Meghalaya a•dokni South West Khasi Hills a•jao donggipa Kisen Wanniang, uni kenbegni somoirangko mikkangchakna ka•donggipa ong•anina Pradhan Mantri Rashtriya Baal Puraskar award-ko man•aha aro ian a•dokna mikkim rasongko ra•baani ong•a.

Ia award-ko mande ra•ako man•a kragipa a•songni President Droupadi Murmu, New Delhi-ni Rashtriya Bhavan-o ong•atgipa programme-o, gipin sak 16 bi•sarang baksana Kisen Wanniang-na uamangni kengija ka•donggipa ong•anina Bristibar salo on•angaha.

Bilsi 15 ong•kuenggipa Kisen Wanniang, 2024 bilsini May 25 tariko South West Khasi Hills a•jani Mawlangwir-o donggipa Maweitksar chibima-o sripenggipa sak 4 bisarangko jokataha.

Ia a•sel pringni 10 bajimango ong•aha jensomoio, Gidian Thongni (9), Naphisadona Thongni (11), Haphibansuk Thongni (10) aro Carefully Thongni (12), chibima-o auengmitingo sripna a•bachenga aro ua somoio Kisen Wanniang, sepangjolo ba•ra su•engachim aro uamangni dakchakchina a•bokaniko knaarin ua an•tangni janggina mamingkoba chanchiani grian uamangko jokatna bakan chibima-ona bilonangaha.

Indake, uano roenggipa gipin manderangba, Wanniang-ni gipinrangko chisamona saldobaengon, ba•rako jakkale saksa bi•sako saldosoaha. Gidian-ko bakan Mawkyrwat Civil Hospital-ona sanna bannaniko on•a ra•angaha indiba gipin sakgittam bi•sarangni janggina kenchakani dongjahachim.

Mawlangwir Dorbar Shnong aro ia sakbri bi•sarangni nokdangni manderang Kisen Wanniang-ko janggi jokatgipa uamangni hero ine channaha.

Pradhan Mantri Rashtriya Bal Puraskar, ian an•tang janggiko on•kangpile a•songna ba mandeskarangna on•gilgipa bi•sarangko mande ra•e mitelpilskaani gita on•gipa award ong•a aro ia bilsio Ministry of Women and Child Development-ni gita ong•ataha jekon a•songni President-ni jakchi on•aniko dakangaha.

Indake ia award-ko on•a gita dam 14 a•dokrang aro Union Territory-rangoni man•a kragipa bi•sarangko seoke, uamangni ka•donggipa ong•anina, songsalna dangdike on•anina aro mandeskana daksninge mesokgipa ong•ahanina mande ra•pilskaani gita ia award-ko on•angaha.

Na·simang ia video-koba nina man·gen:

Na·simang iakoba poraina man·gen: Assam-ni CM, Amith Shah-ko kusi ong•atna Congress-ni jingjengataniko champengenga : Gaurav Gogoi

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub