Tura, Mar 25: Mongolbar salo, Tura-ni Hawakhana-o donggipa Meghalaya a•dokni skanggipa Chief Minister Captain Williamson A Sangma-ni depante Fersen Ch Momin-ni nokko wa•al kamaha
Wa•al kamanio nokni bang•bata bakrangan nosto ka•ako man•tokaha indiba ia a•sel ong•ani somoio nokdangni manderang noko dongjani gimin darangba saknaanirangkode man•jaha.
Ia nokara Capt Sangma sagini nok sa•raon apsan donggipa nok ong•achim indiba rasong gnang uni nokonade wa•alrang sokangjaha.
Fire & Emergency Service (F&ES)-ni Superintendent of Police, Bruno A Sangma-ni u•iatani gitade, gitcham Chief Minister-ni nokko wa•al kamani bidingo uamang Mongolbar pringni 11:00 bajimango kobor man•sochengaha aro bakan ua biapona wa•al kimitgipa garirangko watataha.
Wa•alrang bilakenba kimitna man•ningjahani gimin ia biapona Rongram, Dalu aro Garobadha-ni wa•al kimitgipa garirangkoba okamataha aro unbaksana ia biapona Tura Municipal Board (TMB) aro Public Health Engineering (PHE)-ni chi salgipa garirangkoba aganataha.
Wa•al kamchakatani a•selko da•o dipet name tale ma•sina man•kujaengoba, bijoli kamsotani a•sel wa•al kamchakatahakon ine official-rang chanchichipenga.
Kontabri mangna chirangko satani ja•man bon•kamao ia nok wa•al kamako kimitna man•aha.
Ia nokko bilakbee wa•al kamahani gimin Tura-ni adita biaprango kontagnimangna bijolikoba kimitchengna nangaha.
Capt Sangma sagini nok compound-on gas agency-ba donga aro ia nokoni adita chel•aon petrol pump-ba dongani gimin samba jolo donggipa manderang adita kenjagoktokaha.
Na·simang ia video-koba nina man·gen:
Na·simang iakoba poraina man·gen: Community Science College-o ong•atenggipa workshop-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
