Shillong, Nov 25: Meghalaya a•doko game cha•enggiparangna, ICAR-Central Tuber Crops Research Institute (CTCRI)-ni gita, tuber ba a•ningao bite nanggipa me•su samjak jekai, alu, ta•a, ta•bolchu, ta•milang aro uandake a•a ning•ao bite nanggipa me•surangko ge•a gamaniko namdapatna aro mikkangchi iandakgipa me•surangko ge•e game badinganiko dake janggi tanganiko namdapatna miksonganio salsani program-ko ong•ataha.
Ia program-ko, ge•e game cha•enggipa tribal manderangna mongsongbate me•chikrangna ge•a gamani bewalrangko aro gadangrangko skie on•achi bilakbatatna inenba NEHU Tura Campus-ni Incubation Centre baksa ICAR-CTRI nangrime, South West Garo Hills a•jani Lower Damalgre songo ong•atangaha.
Ia program-o, ta•bolchu ge•ani bosturang, value-added product-rang, training manual-rang ko suale on•angaha aro ge•a gamani kamrangko dakmesoke mesokangaha.
Ia program-ko West Garo Hills a•jani Divisional Forest Officer Shri Malay Sagar Jha oprake on•angaha aro songadamrango donggipa manderangni janggi tanganiki tang•doatna aro nutrition gnanggipa cha•anirangko on•anio mangrakbatatna gita iandakgipa ja•ku de•anirangni gamchatani gimin uamangni mongsong ong•e kam ka•engani gimin talate on•angan baksa, game cha•enggipa manderangna u•ianiko aro ge•a gamani ostrorangko on•a man•a gita ICAR-CTRI-ni krenge kam ka•engani giminba ua aganangaha.
Indake, game cha•giparang, entrepreneur-rang aro official-rangko man•chape sak 115 mangni gita ia program-o bak ra•angaha aro tuber crops ba a•ningao bite nanggipa me•su samjakrangko ge•e game cha•ani gimin skie ra•angaha.
Na·simang ia video-koba nina man·gen:
Na·simang iakoba poraina man·gen: Shillong-ni Artist digital-ni chasongo jakchi noksa salani exhibition-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
