Shillong, Mar 10: Meghalaya a•doko bang•bata manderangan chengoni dakrongbewalo pangchake, a•ningni bosturangko bikote cha•giparang ong•ani gimin a•doko a•ningni bostu bikotaniko ‘Non-mining activity’ ba a•ningni bosturangko bikotani ine chanjachina a•dok sorkari, ma•mong sorkari baksa agangrikenga ine Sombar salo, Meghalaya a•dokni Chief Minister Conrad K Sangma aganaha.
Assembly-o a•ningni bosturangko bikotani bidingo Mawryngkneng MLA Heavingstone Kharpran-ni sing•anina aganchakaniko on•angengon, Meghalaya a•doko chengoni dakrongbewalo pangchake a•ningni bostu bikotaniko ‘non-mining activity’ dake ra•china a•dok sorkari, ma•mong sorkari baksa agangrikenga ine Chief Minister aganaha.
A•doko chengonin a•ningni bosturangko bikotanio pangchake janggi tanggiparang ong•ani gimin iandakgipa manderangni namgnina Meghalaya Minor Mineral Concession Rules (MMMCR) 2016-ko nipiltaina gita sorkari, committee-ko songaha ineba Sangma aganaha.
A•doko a•ningni bosturangko bikotenggipa manderang, forest clearance certificate aro nokmarangni no-objection certificate (NOC)-kosan mesokna nangaigen ine janapatengon, a•ningni bostuko bikotenggipa biapara kanggimin buring bolgrim ong•jana gita forest clearance-ko nanga aro bikotenggipa biapara maming golmal grigipa ine mesokna nokmani NOC-ko nanga ine Chief Minister talataniko on•angaha.
Na·simang ia video-koba nina man·gen:
Na·simang iakoba poraina man·gen: M’laya-o MMR 40%-chi komianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
