Shillong, July 26: Sombar salo, chang 22-gipa Kargil Vijay Diwas-ko Meghalaya a•dokoba gisik ra•e maniangaha.

Kargil War-o an•tangtangko on•kange sianggipa sipairangko gisik ra•na gita bilsiantian July-ni 26 tariko Kargil Vijay Diwas-ko manirongenga ine nikna man•a.

Ia salko manianio, Meghalaya a•dokni Chief Minister Conrad K Sangma, Rhino Heritage Museum-o tarie dongipa MVC (P) Capt KC Nongrum aro KC (P) Maj David Manlun-ni bimangrango malarangko pate, sianggipa sipairangna mande ra•pilskaaniko dakangaha.