Shillong, Feb 20: Meghalaya a•doko drugs ba pekatgipa samrangko jakkalanirang batroroengani gimin a•dokni Police-rang, dingtang dingtang toromko dilenggipa manderang baksa mikrakatani program-rangko ong•atanichi warachakna tik ka•angaha.
Iani bidingo dingtang dingtang toromni dilgiparang, sorkari official-rang baksa Bristibar salo, State Convention Centre-o tom•aniko ong•atangenba, pekatgipa bostu jakkalniko warachakna maidakgipa ja•kurangko de•gen, uarangni bidingo chanchirimangaha.
Ia tom•anio sorkari official-rang, dingtang dingtang toromni dolrang baksa chanchirimengon, badia biaprango sam jakkalanirang bilongbatengachim, uandakgipa biaprangko sandienba, chadamberangna awareness program-rangko, workshop-rangko aro uandake agan-ku•pattie on•ani program-rangko ong•atna tik ka•e donangaha.
Je manderangan sam jakkalaniko watna man•gija dongengachim, uandakgipa manderangko detox centre-rangko watatgen aro gipin a•dokrangona re•ange sanna bananiko ra•na sikenggipa mabnderangna sorkarini gita gong 32,000-ko on•na gitaba tik ka•angaha.
Drug Reduction, Elimination, and Action Mission (DREAM)-ni Mission Director FG Kharshiing-ni aganani gitade, sam jakkalaniko warachakanio manderangna mikrakatanirangko aro agan-ku•pattianirangko on•anio toromko dilenggipa manderangan mongsonggipa daitoko ra•giparang ong•gen.
Ia kamko ka•enggipa dingtang dingtang toromni dolrangna sorkari, a•bachengo gong lak 50-ko chame donaha aro je toromni dolrangan ia kamko jako ra•na sikengachim, uamang an•tangtangni miksonganirangko mesokenba proposal-ko on•na nanggen aro iandakgipa dolrangna tangka paisarangko on•na skangba uamangni proposal-rangko sorkari nichenggen.
Iani bidingo talataniko on•angengon, a•doko drugs jakkalaniko warachakna sorkari, dingtang dingtang dolrang baksa bakrimenga aro iandakgipa kamrangna sak 40 donggipa Anti Narcotics Task Force (ANTF)-koba songaha ine a•dokni Social Welfare Minister Paul Lyngdoh parakataha.
Rim•gimin samrangko paltaina man•jana gita adita salrangna skangsan, a•dokni Chief Minister Conrad K Sangma aro Home Minister Prestone Tynsong-ni mikkango so•e galaha ineba Lyngdoh aganaha.
Songo noko iandake drugs jakkalaniko warachakna gita Village Defence Party (VDP)-rangko tangatpilaha ine janapatengon, VDP volunteer-rangna jaanti on•enggipa dormahako gong 800-oni gong 3000-ona bariataha ine Social Welfare Minister parakataha.
Na·simang ia video-koba nina man·gen:
Na·simang iakoba poraina man·gen: Ma•sina man•gijagipa manderang MP Rukibul Hussain-ko chadrapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
