Shillong, June 15: Meghalaya a•doko drugs ba pekatgipa samrangko jakkalani aro niam gri badingsrukanirang batroroengani gimin iandake songsalna ong•sigipa kamko champengna man•na gita Bristibar salo a•dokni Social Welfare department, Shillong All Faiths Forum (SAFF) baksa tom•e chanchirimangaha.

Tom•a matchotani ja•mano, kobor ra•timgiparangna talataniko on•angengon, a•doko drugs jakkalani aro niam gri badingsrukaniko bon•atna kam ka•enggipa dingtang dingtang toromni dolrangna sorkari, bilsiprako gong crore 10 tangkarangko on•gen ine a•dokni Social Welfare Minister Paul Lyngdoh parakataha.

Lyngdoh-ni parakatani gitade, a•doko drugs jakkalani aro niam gri badingsrukaniko bon•atna gita chadamberangna ku•pattie on•gipa biaprangko kulidapna, skulni curriculum-o drugs jakkalani namgijaniko on•chapna aro chatro chatrirangna mikrakatani program-rangko ong•atani giminba ia tom•anio sorkari, SAFF-ni dilgiparang baksa chanchirimangaha.

Meghalaya a•doko drugs jakkalbatgipa damsni a•jarangko sorkari ma•simanahani gimin Shillong songjinmaon drugs jakkalani bidingo mikrakataniko bilakbatatna gita sorkari tik ka•aha ineba Social Welfare Minister parakataha.

Also Read: Meghalaya Rains: Authorities order closure of all schools in North Garo Hills tomorrow

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub