Shillong, July 27: Meghalaya a•doko Jackfruit Mission-ko ra•gatanichi game ge•e cha•enggipa manderangni janggi tanganiko tang•doatna man•ahani gimin a•dok sorkari, ia Jackfruit Mission-ko ra•dodapatna miksongenga ine Bristibar salo, a•dokni Agriculture Minister Ampareen Lyngdoh parakataha.
‘Jack Start 2023’ ine State Convention Centre-o ong•atanggipa program-ko a•bachengate on•angani ja•man iako Lyngdoh, kobor ra•timgiparangna parakataha.
Game ge•e cha•enggipa producer group-rang baksa agangrikanio, jackfruit mission-ko ra•gatanichi bading chiwale cha•enggipa manderang da•o salprakon gong 10,000-oni gong 15,000-mangko man•enga ine ma•sina man•aha ineba Agriculture Minister parakataha.
Bilsi bongaode ia mission-ni chu•sokaniko name nikna man•kujawa ine janapatengon, ia program-na chu•onga gita tangka paisarangko chamdape mikkang bilsio Jackfruit Mission 2.0-ko a•bachengatna ua Chief Minister baksa agangrikgen ine Lyngdoh parakataha.
Iakoba poraie nina man·gen: Tura CMO-ko chadrapanio politics-ni gita jak donga ine Tynsong a•kanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
