Shillong, May 5: Re•anggipa antio, Meghalaya a•dokni pilak biaprangon chaktopilgija ding•anirangko chakna nangtokahaoba, Sonibar attamonin mikkarang waangenba, manderangna rang•speaniko on•angaha.

Meghalaya a•dokni skotong Shillong songjinmao changsaba iandake 29 degree aro 30 degree Celsius ong•pile manderang ding•aniko chakna nangkujachim indiba ia bilsiode Shillong songjinmao songdongenggipa manderangba iandakgipa ding•anirangko chakna nangtokahachim.

Shillong songjinmao ding•ani batroroanganichi buringrango wa•al kamanirangkoba nikna man•rongahachim aro chiring chibisikrangni tiproroanganichi manderang chirangkoba man•tokjaengahachim.

Indake ong•genchimoba Robibar salo, mikkarang waanganichi Shillong songjinmao songdongenggipa manderangba rang•speaniko man•angtokaha.

Mikkarang waangani ja•man Shillong songjinmao ding•ani 22 degree Celsius-ona tang•onangaha aro 19 degree Celsius-ona tang•onangkunaba gnang ine ka•dongsotokenga.

Na·simang ia video-koba nina man·gen:

Na·simang iakoba poraina man·gen: Assam-o Lok Sabha election-na campaign ka•ani matchotanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020