Shillong, April 5: Meghalaya a•doko bang•a manderangan milsi pe•na ba na•tok rim•na namnikgiparang ong•ani gimin da•ororo ong•atrongenggipa milsi pe•susaanirangko joa kal•ani ine agananiara dal•bea gualani ong•gen ine Meghalaya a•dokni Revenue & Disaster Management Minister Kyrmen Shylla parakataha.
Meghalaya a•doko Teer gita dakgipa dingtang dingtang joltangni kal•susaanirangko niamo pangchake ong•atenga aro da•ororo milsi pe•susaanirangko ong•atanioba bang•bea tangka paisarangko koros ka•engachim ine nikna man•a.
Indake ong•engon, Meghalaya a•doko milsi pe•ani ba na•tok rim•aniara manderangni mingsa dake rona namnikgipa kam ong•ani gimin iako ua joa kal•ani ine mingna man•jawa ine Shylla parakataha.
Milsi pe•susaanirangko ong•atanio lottery ba chitti kal•anirangkoba ong•atengani giminsa manderang iako ong•gija dake chanchisretenga ine janapatengon, ianonikoba sorkari kajina man•dapani cholrangkoba nina nangao ga•akenga ine Revenue Minister parakataha.
Lottery-rangko kal•atanio manderang tangka paisarangko man•engani gimin sorkarina kajinarangko gamskana nanga ine janapatengon, iandakgipa kal•anirangko Deputy Commissioner-rangan niroke niam gita ong•atna nanga ine Shylla parakataha.
Iakoba poraie nina man·gen: ILP-ko ra·gatani ja·mansa rel garirangko ra·baani bidingo chanchigen: KSU
