Shillong, Mar 10: Meghalaya a•doko Maternity Mortality Rate (MMR) ba ma•giparangni an•pako sianiko a•dok sorkari, 40 percent-chi komiatna man•aha ine Sombar salo, Meghalaya a•dokni Chief Minister Conrad K Sangma parakataha.
Assembly-o Maternity Leave-ni bidingo sing•anina aganchakaniko on•angengon, 2018 bilsio MDA-I sorkariko rikchengani somoiode Meghalaya a•dokni MMR, a•songni MMR-na changgni batachim indiba ia sorkari, ma•giparangni an•pako sianiko komiatna rakbee kamrangko ka•anichi da•o 40 percent-chi komiatna man•aha aro a•songni MMR-na baten komiatangkuna jotton ka•enga ine Sangma aganaha.
Sorkari chakrirangnade taridapgimin Meghalaya Fundamental Rules & Subsidiary 1984-ni Subsidiary Rule 111-ni ning•o dongimin niamrang donga ine janapatengon, bi•sa sakgni donge an•o donggipa me•chikrang, sal 120 maternity leave-ko ra•na man•a aro anti 20-na an•o donge oko bi•sa sichipgipa ma•giparangnade sal 120-na bateba maternity leave-ko on•na man•a ine Chief Minister talataniko on•angaha.
Maternity leave-ni bidingon talataniko on•angkuengon, 1984 bilsini February 14 tarikoni 2009 bilsini December 22 tarikonade maternity leave ba an•o donggipa ma•giparangna chuttiko sal 90-san on•aiachim aro iako 2009 bilsini December 23 tarikoni 2017 bilsini December 7 tarikonade sak 90-oni sal 120-ona bariate da•o 2017 bilsini December 8 tarikonide sal 120-oni sal 180-ona kingking bariataha ine Chief Minister aganaha.
Private company-o kam ka•enggiparangnade Maternity Benefit (Amendment) Act 2017-ni ning•o man•gopskaa ineba Chief Minister talataniko on•angaha.
Na·simang ia video-koba nina man·gen:
Na·simang iakoba poraina man·gen: Sorkari school-rango NEET porikkako sechakna centre-rangko on·gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
