Shillong, Mar 6: Meghalaya a•doko na•tok jile man•aniko bariatna gita a•dok sorkari, dam 35 na•tok bitchi pe•ram biaprangko rikdapna gong crore 10 tangkarangko chamataha.
Iani bidingo Assembly-o aganchakaniko on•angengon, kamrangko bakan a•bachenggnok aro ia na•tok bitchi pe•ram biaprangko rikmanahaode a•doko gimik dam 96 na•tok bitchi pe•ram biaprang donggnok ine a•dokni Chief Minister Conrad K Sangma parakataha.
Chief Minister-ni aganani gitade, da•o dipet a•doko dam 61 na•tok bitchi pe•ram biaprang donga aro iachi million 24.7 na•bisarangko man•enga.
A•doko aquaculture mission-ko a•bachengna skangde metric ton 4000 na•tokrangkosan man•aiachim indiba da•ode metric ton 2000 na•tokrangko a•doko man•engaha ineba Sangma aganaha.
A•doko na•tokko nanganiara metric ton 32,000 ong•engani gimin metric ton 12,000-kode gipin a•dokrangoniko ra•bana nangkuenga ineba Chief Minister talataniko on•angaha.
Gital aquaculture mission-ko a•doko bakan a•bachengatgen ineba Chief Minister Assembly-o parakataha.
Na·simang ia video-koba nina man·gen:
Na·simang iakoba poraina man·gen: Byrnihat-o karkanana ra•gipa a•arangara reserved forest ong•ja: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
