Shillong, Aug 28: Pradhan Mantri Gram Sadak Yojana (PMGSY)-ni gittamgipa bako kilometer 1250-na baten ramarangko tarina gita ma•mong sorkari, Meghalaya a•dokna on•aha ine Budbar salo, a•dokni Deputy Chief Minister aro PWD (Roads) Minister Prestone Tynsong parakataha.
Assembly-ni Autumn Session-o sing•anirangna aganchakaniko on•angengon, PMGSY-3-ni skanggipa bako kilometer 400 ramako tarina gita Rural Development Ministry sanction ka•aha indiba ia apsan project-ni gnigipa bako km 600 ramana detailed project report (DPR)-ko on•manahaoba Ministry-oni sanction ka•kujaenga ine Tynsong parakataha.
Ia gnigipa bakni ramana bakan ma•mong sorkari sanction ka•atgen ineba ua an•tangni ka•dongchakenganiko parakataha.
Meghalaya sorkarini mol•molatani ja•man a•doko PMGSY-III-ni niamrangko Rural Development Ministry olgrokbatataha ineba Tynsong, Assembly-o parakataha.
Ia PMGSY-III-ni km 1250 ramarangko 2024-2025 bilsini gisepon matchotna gita sorkari nisanko donmanaha ineba PWD (Roads) Minister parakataha.
Na·simang ia video-koba nina man·gen:
Na·simang iakoba poraina man·gen: Assembly-o Opposition dilgipani kamko ra•na Mukul a•kanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
