Shillong, Mar 24: Meghalaya-o ‘Sanker’ Psychiatric Care Facility-ko bikotgipa Dr. Sandy Syiem, a·doko drugs addict ong·gipa batroroengani gimin a·ja ge·antion Rehabilitation Centre-ko rike on·a nangchongmotenga ine Sonibar salo kobor ra·timgiparangna parakataha.
Addiction-ko manderang ramram ong·e ra·a, indake ong·genchimoba ian sabisi mingsa ong·a aro bang·batan ia sabisiko sajinma ine u·ija. Ia sabisikoba Covid-19 sabisina sanna bannaniko on·a gitan sanna bannaniko on·a gita nangenga ine Dr. Sandy Syiem aganaha.
Ia addiction-ara taningni sabisisa ong·a jean chu ba drugs-rangko jakkalani a·sel ong·enga aro iako sanchakram biaprang namen komibea. Uasan ong·agija, je Rehab Centre-rangan gnangchim, uarangba train ka·a man·gipa manderangni kuligipaba ong·jani a·selan sanna bannaniko ra·enggipa manderangko dal·a a·selrango ga·akataona sokengani gimin a·dokni a·ja ge·antion Rehab Centre ge·prak de dongna nangenga ineba ua talate on·aha.
Iarangni bidingo aganan baksa, drug addict ong·gipa manderangna sanna bannaniko on·a aro songsalo iandakgipa obostarangko chagrongenggipa manderangna aganku·patianiko on·a miksonganio, Meghalaya-oni dam 11 Primary Health Centre (PHC) aro Arunachal Pradesh-oni dam 5 Primary Health Centre-rangna jagittamni training program-ko ong·atna a·bachengataha ineba Dr. Syiem parakataha.
Drug Reduction Elimination & Action Mission (DREAM) project-ni bidingo janapengon, ian namgipa ja·ku de·engani ong·a, indake ong·genchimoba a·dokni dam 60 Constituency-rango Rehabilitation Centre damprak de dongna nangchongmotenga ineba ua janapataha.
Na·simang ia video-koba nina man·gen:
Na·simang iakoba poraina man·gen: Kokborok ku•sikna Roman oikorko ra•gatchina dabianiko niatchina Tipra Motha-ni dilgipa didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
