Shillong, Oct 16: Budbar salo India a•songni Vice President Jagdeep Dhankar, Shillong songjinmaona re•baenba, Meghalaya Skill & Innovation Hub-na pangchakaniko songe on•angaha aro iana pangchakaniko songanio, Meghalaya a•dokni Governor CH Vijayashankar, Chief Minister Conrad K Sangma aro Health Minister Ampareen Lyngdoh-ba dongpae bak ra•angaha.
Ia apsan salon a•songni Vice President, CM Business Catalyst: Student B-Plan Challenge with IIM Shillong-koba a•bachengate on•angaha aro a•doko bading chiwalaniko tang•doatna gita UNDP baksana Meghalaya sorkarini MoU-o soi ka•grikanioba dongpaaha.
Ia Meghalaya Skill & Innovation Hub-ko New Shillong-ni acre 6.54 ong•gipa a•ao gong crore 77.5 korosrangchi rikgen aro ia biapko bading chiwalani dingtang dingtang kamrang baksana chadamberangko tarisona gita jakkalanggen.
Ia pangchakaniko songe on•anganio India a•songni Vice President Jagdeep Dhankhar, jinmana aganprakangengon, chadamberangni changa sapanirangko nirok sandina aro namdapatna gita dingtang dingtang kamrangko a•bachengatenganina a•dokni Chief Minister Conrad K Sangma-ko mittelpilangaha.
India a•songo chubatsranggipa President-ni kamko Tribal me•chikan jako ra•enga aro Meghalaya a•doko DGP-ni kamkoba skanggipa changna Tribal me•chikan jako ra•engani gimin ian India a•songni dal•roroanio dingtanganiko mesokenga ineba Dhankhar aganaha.
Meghalaya a•doko Skill & Innovation Hub-ko kulianiara bading chiwalani kamrangko tang•doatanio dakchakani ong•gen ine janapatengon, ia centre-ko kulianichi a•doko kam ka•giparangkoba bang•bate ong•katatna dakchakani ong•gen ine Vice President aganaha.
Dingtang dingtang program-rangko a•bachengatanichi a•songni Prime Minister Narendra Modi, chadamberangna janggi tangani cholrangko oe on•aha ineba ua aganaha.
Mikkang bilsi bongani gisepo a•songni lak 5 chadamberangko dingtang dingtang kamrango namdapatna gita gong crore 60,000-ko chamaha ineba Dhankhar aganaha.
Ia tom•anio, a•dokni Governor CH Vijayashankar-ba jinmana aganprakengon, chadamberangna janggi tangani cholrangko on•na gita a•doko man•enggipa dingtang dingtang chol aro bilrangni gimin janapangaha.
Ia program-ko ong•atanio, a•dokni Chief Minister Conrad K Sangma-ba jinmana aganprakangskaengon, a•dokni chadamberangna a•dokni bil ong•a aro ia bilko nambatatna gita sorkari ia skill & innovation hub-ko kulienga ine parakataha.
Meghalaya a•doko songdongenggiparangoni 85 percent-de bilsi 45-na komigiparangan ong•a ine janapatskaengon, chadamberangan a•dokni dal•batsranggipa bil aro gam ong•ani gimin chadamberangni bilrangko tarina gita sorkari dingtangmancha program-ko a•bachengataha ine Chief Minister aganaha.
Na·simang ia video-koba nina man·gen:
Na·simang iakoba poraina man·gen: Agartala-o mobile palgipa dokan nokgipako chadrapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
