Tura, Oct 2: Meghalaya Speaker, Thomas A Sangma, Plastic Waste Management Unit-ko Rongram Community and Rural Development Block-ni ning•o ga•akgipa Selbalgre songo, West Garo Hills Tura-ni SDO (Sadar) Manish Kumar, Rongram C & RD Block-ni Block Development Offer, Cherime Sangma, Mawmluh Cherra Cements Limited (MCCL)-ni Vice-Chairman aro National People’s Youth Front-ni President Dabo Mrong Marak, PHE-ni SE, Ambrose D Sangma, line department-ni official-rang aro songni manderangni dongpaanio oprake on•angaha aro ian Garo Hills-o Plastic Waste Management Unit-ko a•bachengatchenggipaba ong•enga.
Ia Plastic Waste Management Unit-ko oprake on•angan baksana, Swachh Bharat Diwas-koba maniangjolaha.
Ia tom•anio Speaker Thomas A Sangma mongsonggipa sokgipa ong•e bak ra•angaha aro jinmana aganprakengon, songadam nokadamrango janggi tanggiparang an•tangtangni samtangtangogiparangko rongtal an•tale rakkironggiparang ong•genchimoba ia chasongo altuae man•gipa readymade plastic-ni bosturangko jakkalrongengaha jean, rongtalgija ong•ata, uni gimin iandake jabol gapataoniko champengsoani ja•kurangko de•na nangenga ine aganaha.
Uasan ong•aigija, manderang jabolrangko galengon jronggipa aro jronggijagipa jabolrangko brine galengani gimin, kam ka•e cha•enggipa manderangba uarangko ma•ekatanio neng•nikaniko man•enga. Uni gimin noktangtangon jabolrangko galengon, jronggnigipa aro jronggijagipa jabolrangko ma•eke galchina ine didiatan baksa, samtangtangko rongtal an•tale rakkiani aro an•tangtangkoba rongtale an•tale donganina on•gipa scheme-rangni giminba ua talate on•angaha.
PHE-ni SE ong•an baksana West Garo Hills a•jani DSBMG-ni Member Secretary ong•enggipa, Ambrose D Sangma-ba, salantio janggi tangengon rongtal an•tale rakkina aro a•jatangtango bilsiantian cleanliness drive ba rongtal an•talataniko dakchina didianiko on•a ine miksonge 2014 bilsini October 2 tariko a•songni Prime Minister Narendra Modi Swacch Bharat Mission-ko a•bachengataha, aro uni bilsi 10 gapaniko gisik ra•na gita Swachhata Hi Sewa Campaign-ko a•bachengataha. Ia campaign-ko gisik ra•ani bak gita Swacchh Bharat Diwas-ko Oct 2 tariko, rongtal an•talataniko dake manienga ine talate on•angaha.
Na·simang ia video-koba nina man·gen:
Na·simang iakoba poraina man·gen: NGH-o Rongdik dolni gita milsi pesusaaniko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
