Tura, Aug 10: Bang·gija salrangni ja·man West Bengal-ni Berhampore aro Malda-o kal·atnasienggipa Teir 1 Sub-Junior National Football Championship-o bakko ra·e kal·na gita Meghalaya State Team (Sub-Junior Boys)-na A·chik a·songoniko chadambe robol ga·tingna sapgiparangko dingtangmancha seokna gita Meghalaya Football Association baksa nangrime, Tura-ni District Football Association, preliminary selection trial-o pangchake robol ga·tingsusaaniko Bristibar salo ong·atangaha.
Ong·nasienggipa tournament-ona robol kal·na sapgipa chadamberangko dingtangmancha basee seokna gita, West Garo Hills a·jao mangmang bilsi 14-ni ning·o ong·gipa chadamberangna pring 6 bajio Tura-ni Chanmari Football Turf-o robol kal·susaaniko ong·ate niangaha.
Pringni bako robol ga·tingsusaate nianio, Garo Hills a·jaoni sak 80 mangni gita chadamberang bakko ra·e kal·angtokaha. Indake ong·genchimoba, kal·anggipa gimikoniko nambate kal·gipa Chandmari Football Club-oni Aiso Ayoba G Momin, Bian Chigrik R Marak aro Akimra G Momin-maang sakgittamsan re·baenggipa salo Shillong-o main trial-ko kal·atna am·enggipana seokako man·angaiaha aro Prithvi Sen baksana Mansrang A Sangma, iamang sakgnikode standby-o donangskaaha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
