35.6 C
Tura

MLHP-na ra·anio kam man·rikgijagipa Garo candidate-rangna ja 6-ni certificate course-ko on·gen

Must read

Tura, Aug 29: Adita salrangna skang, Mid-Level Health Provider (MLHP)-ni kamna seokanio, kamrangko man·rikgijagipa Garo nursing candidate-rangna a·dokni dingtang dingtang health & wellness centre-rango ge 21 MLHP kamrangko gapatna gita gital dake u·iataniko on·taiahani gimin seokako man·gipa candidate-rang, jemangan kamna nanganirang chu·ongjachim, uandakgipa candidate-rangna a·dokni Health department, jadokni certificate course-ko on·na tik ka·angaha.

Adita salrangna skang, MLHP-ni kamna ra·anio B.Sc Nursing baksana Community Health-ni certificate donggipa candidate-rangkosa campus recruitment dake Shillong-ni NEIGRIHMS aro Woodland Hospital nursing college-rangonikosan ra·aiahani gimin Garo candidate-rangde cholrangko man·rikpajahachim.

Advertisement

Indake ong·engon, MLHP-ni kamna ra·anio Garo candidate-rang cholrangko man·rikpajahani gimin sorkari, dingtangmancha Garo candidate-rangna da·o ge 21 MLHP-rango gapatna gita gital dake u·iataniko on·taiaha aro iana walk-in interview-ko September-ni 4 tariko, Tura-ni Working Women’s Hostel-o ong·atskaenga. Ia kamna Community Health-ni certificate-rangko nangengon, 2019 bilsi dipetan Tura-ni IGNOU-o on·enggipa course-ko chipahani a·sel bang·bata Garo candidate-rangan da·o Community Health certificate-ko man·tokjaengahani gimin seokako man·gipa candidate-rangna Health department, jadokni Community Health certificate course-ko on·skana tik ka·angaha.

Health department-ni Principal Secretary P Sampath Kumar-ni Hub News-na parakatani gitade, da·o dipet Garo Hills gimikon B.Sc nursing college-rang dongkuja aro Tura-ni damgittam hospital-rango GNM nursing-kosa on·engkuachim. B.Sc nursing-na seoka man·gipa Garo Hills-ni bang·bata candidate-rangan gipin a·dokrang jeon Community Health Certificate course-rangko on·jachim, uandakgipa institute-rangosa poraina gita seokako man·skaaha ineba Kumar parakataha.

Advertisement

“Garo Hills-o nursing candidate-rangni chagrongna nangenggipa neng·nikanirangko chinga ma·sienga aro iani giminsa chinga Garo Hills-ni nursing candidate-rangna dingtangmancha jadokni Community Health Certificate course-ko on·na miksongenga,” ine Health department-ni Principal Secretary parakataha.

Iakoba poraie nina man·gen: Garo Hills-o AH & Vety dept-ni kamrangko namdapatna Minister ku•rachaka

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

More articles

-->
-->

Latest article