Tura, Oct 21: Bi•sarangni mobile phone jakkalanirang batroroenganichi be•en aro gisikni gita dal•roroanio nangchakeanirangko ra•baengani gimin bi•sarangna agre mobile jakkalani namgijanirangko talate on•na gita William Initiative-ni dilanichi dingtangmancha awareness program-ko Ballonggre-ni Petrichor Pre-School, Tura-ni Ballonggre kal•chakramo ong•atangaha.
Ia program-ko a•bachengatanio, Petrichor Pre-School-ni Director Dr Gino A Sangma, jinmana rimchaksoani kattarangko aganangenba, mobile phone-rangko nangana bate jakkalanichi maikai bi•sarangni be•enni gita, gisikni gita aro songsalni gita dal•roroanio nangchakeaniko ra•bana man•a, uarangni bidingo agan-talatanirangko on•angaha.
Ia awareness program-ko ong•atanio, Tura Civil Hospital-ni Psychiatrist Dr Steve Cherak Sangma, jinmana aganprakengon, mobile phone-rangko ru•ute nianichi maikai bi•sarangni dakbewalko dingtangatna, poraianirango gisik nanganiko komiatna aro songsaloni chel•atna man•a, uarangni gimin agan-talatanirangko on•angskaaha.
Ia tom•anio Dr Sangma, dingtangmancha ma•a paarang baksaba agangrikengon, bi•sarangni mobile jakkalaniko name nirokchina agan-ku•pattianirangko on•angaha.
Ia program-ko ong•atanio dongpae bak ra•anggipa gipin manderangara, Petrichor Pre-School-ni Headmistress Nicely Luckme M Marak, school-ni Administrator Matgrik D Shira, Petrichor Pre-School Managing Committee-ni membor Rev Amos Ch Sangma aro gipinrang ong•a.
Ia awareness program-ko ong•atanio Ballonggre jolrango donggipa dingtang dingtang biaprangoni gimik sak 150-mangni gita manderang bak ra•angtokaha.
Na·simang ia video-koba nina man·gen:
Na·simang iakoba poraina man·gen: Me•chikma saksani bimang soe jronggimin manggisiko Guwahati-o man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
