Tura, Nov 12: India a•song gimiko donggipa mongmarangko hisaptaiengani gimin dingtangmancha trainer ba skie on•skagiparangna workshop-ko Mongolbar salo, Tura-ni Wildlife & Territorial Office-o ong•atangaha aro ia workshop-o Williamnagar aro Tura Wildlife Division-ni Territorial aro Social Forestry-o kam ka•enggipa sak 83 official-rang aro staff-rang bak ra•angtokaha.
Ia workshop-ko ong•atanio National Tiger Conservation Authority Regional Office-ni Biologist Agatha Momin, State Department-ni Biologist Nibir Medhi, District Forest Officer (DFO) Rupangkar K Marak aro Forest (Wildlife)-ni Assistant Conservator BK Lohar-ba dongpae bak ra•angaha.
Ia workshop-ko ong•atanio Wildlife official-rangna dingtangmancha theory class-rangna agreba Doldegre buringo practical-koba ra•angaha aro M-STRIPES minggipa Mobile App-ni giminba official-rangna agan-talate on•angaha. Ia M-STRIPE mobile app-ara matcharangko hisapna jakkalgipa app ong•a aro ia apsan app-kon mongmarangko hisapanioba jakkalna sienga.
Ia workshop-ko ong•atani bidingo DFO Rupankar K Marak, Hub News-na talate on•angengon, mongma hisapani program-ko uamang December jani skanggipa antion a•bachengate sal 8 ba sal 10-ni gisepon matchotatna siengani gimin ia workshop-ko ong•ataniara wildlife official-rangna namen dakchakani ong•gnok ine parakataha.
Joltangtango mongmarangko nikgenchimode wildlife official-rangna u•iatchina gitaba Marak, songni Nokmarangko mol•molataha.
Na·simang ia video-koba nina man·gen:
Na·simang iakoba poraina man·gen: NEHUNSA, chatro chatrirangni dondikgija okgimu chakanina chakpaaniko on•e, VC-ko kam watchina dabia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
