Shillong, Aug 22: Re•baenggipa 2023 bilsini Meghalaya Legislative Assembly election-na 13-Saphai constituency-ni MDC Habahun Dkhar-ko 4-Mowkaiaw constituency-ni NPP candidate dake Sombar salo seokangaha.

Sombar salo, NPP-ni tom•aniko Mowkaiaw constituency-o iako Meghalaya a•dokni Chief Minister aro National People’s Party (NPP)-ni national president Conrad K Sangma parakataha.

Ia tom•aniko ong•atanio, dingtang dingtang biaprango, dingtang dingtang political dolrangna kam ka•enggipa bang•bea manderangba NPP-ona re•batokaha aro uamangko NPP-ni national president Conrad Sangma aro gipin dilgiparang rimchaksoangaha.