Shillong, Jun 20: Member of Parliament Local Area Development (MPLAD) scheme-ni kamrangko ka•anio tangka paisarangko jakkalsretaha ine matnangahani gimin Bristibar salo, NPP-ni Rajya Sabha MP Dr WR Kharlukhi, youtuber saksani kosako Cyber Crime police station-na badi ka•doangaha.
Iani bidingo kobor ra•timgiparangna talataniko on•angengon, uni kosako matnanganirangko am•sandie nina ua on•aigen aro uni MP scheme-o tangka paisarangko jakkalsreta ine rim•a man•genchimode ua an•tangni MP ong•aniko watna kusi ong•aigen ine Dr Kharlukhi parakataha.
Rajya Sabha MP-ni parakatani gitade, MP scheme-ni tangka paisarangko jakkalsreta ine uko matnangahani gimin ua, ‘RS Kharbani’ minggipa youtuber-ni kosako cyber crime police station-o badi ka•doangaha.
MP scheme-ni tangka paisarangko jakkalsretaha ine sakkiko mesokna man•genchimode ua an•tangan sorkarina sedoatenba CBI-chi am•sandiatchina agangen aro ua pattokoba dongna man•aigen ineba Dr Kharlukhi aganaha.
Politics-o uni kam ka•ani da•o bilsi 40 gapna am•pilengaha aro da•o ua kamtangoni neng•takna sipilengahaosa uni kosako iandake matnanganirang ong•kataha ineba Dr Kharlukhi suk ong•gijaniko parakaha.
An•tangni MP scheme-ko man•ani bidingo talataniko on•angskaengon, ua 2022-23 bilsinasa MP scheme-ko man•aha maina Covid sajinmani somoiode MP scheme-rangko on•a dongjachim ine NPP-ni Rajya Sabha MP parakataha.
MP scheme-ni kamrango maming dongnuanirang dongja ine janapatengon, 2022-23 bilsina MP-ni scheme-ni ning•o chamatgipa gong crore bonga chu•gimikkon ua jakkalaha indiba 2024 bilsinade Lok Sabha election dongani gimin da•osa beneficiary-rangona ba namgniko man•enggipa manderangona sokangaha ine Dr Kharlukhi talataniko on•angaha.
Na·simang ia video-koba nina man·gen:
Na·simang iakoba poraina man·gen: Kaziranga-o wachi kari ra•gatanichi nikronggija matburingrangko nakatataha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
