Shillong, Nov 15: Meghalaya Residents Safety & Security Amendment Bill (MRSSAB)-ko watpilatani gimin Home Affairs Ministry-ni Meghalaya sorkarina seatgipa chittini bidingo chanchirimna gita bakan sorkari, a•dokni dingtang dingtang dolrangko okamatgen ine Budbar salo, Meghalaya a•dokni Deputy Chief Minister aro Home Minister Prestone Tynsong, Hynniewtrep Youth Council (HYC)-ni dilgiparangna parakataha.
Deputy CM-ko grongeani ja•man kobor ra•timgiparangna talataniko on•angengon, MRSSAB-ni bidingo Home Affairs Ministry, maiko a•dok sorkarina seataha, uko uamang sing•sandieaha aro iani bidingo apsan chanchirimna gita sorkari pilak dolrangkon okamatna ku•rachakaniko on•ataha ine HYC-ni president Roy Kupar Synrem parakataha.
Synrem-ni parakatani gitade, ia Bill-ko nipiltaichina gita Meghalaya sorkarina ge•etaniko on•e Home Affairs Ministry, ia Bill-ko a•dok sorkariona watpilataha ine Deputy CM, uamangna talataniko on•ataha.
Home Affairs Ministry-ni seatgipa chittini bidingo a•dok sorkarina ku•pattianirangko on•na man•na gita ia chittini copy-ko uamangnaba on•atchina gita uamang Deputy CM-ko didiaha ineba HYC-ni president parakataha.
Iakoba poraie nina man·gen: Churachandpur-o ITLF-ni gita dal•begipa re•jomaaniko daka
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
