Shillong, Sept 13: Meghalaya Residents Safety & Security Act (MRSSA)-ko a·doko ra·gatna gita sorkari kamrangko ka·engaha ine Sombar salo, a·dokni Chief Minister Conrad K Sangma parakataha.
Ia niamko ra·gatna gita online software-ko tariaha ineba Chief Minister parakataha.
Adita jarangni gisepon, Meghalaya a·dokni seokgimin gittimrango data base-ko tarina gita dake niani gita project-ko ra·gatanggen ineba Sangma parakataha.
Chief Minister-ni aganani gitade, a·dokni pilak biaprangon task force-rangko songmanaha aro mitam biaprangode facilitation centre-rangkoba a·bachengataha.
A·doko ong·enggipa MRSSA-kon ra·gatna gita sorkari kang·kare kaenga ine janapatengon, iani bidingo a·dok sorkari, ma·mong sorkari aro Governor baksa agangrikengkua indiba ia niamko ta·raken ra·gatna gita sorkari kamko ka·engaha ine Chief Minister parakataha.
