Tura, Sept 21, 2020: Garoland State Movement Committee (GSMC) Centre Executive Committee (CEC), HQ.Tura, Meghalaya Teachers’ Eligibilty Test (MTET) porikka pass ka.giparangko ta.rake personal interview ra.china dabie, School Education and Literacy-ni Director-na Sombar salo lekka sedoataha.
GSMC-Chairman Nikman Marak-ni kobor ra.timgiparangna agana gitade re.anggipa 2019 bilsion MTET porikkako ran.manjok indiba da.alona kingkingba personal interview-ko ra.kuja, maina MTET pass ka.giparangna bilsi gnisan somoiko on.aha, uni gisepon da.onaba personal interview-ko ra.kuja ong.ode basako uamangko kamo appoint ka.gen, somoide bilsignisan validity-ko on.aha aro somoiba bon.angengjok, uni gimin MTET pass ka.gimin-ko ta.rake personal interview ra.e, qualified ong.gipa teacher-rangko bangbang ong.enggipa LP aro UP school-rango appoint ka.china Director-ko didiataha.
Education department batanggipa 2010 bilsio Meghalaya Eligibility Test (TET) porikkako a.bachengate qualified ong.gipa teacherrangsa bi.sarangna quality education-ko on.na man.na gita teacherrangko baseaha. Uni gisepon skigiparangna gital MTET porikka seaniko on.taiaha.
Indide maina MTET pass ka.giparangko personal interview ra.ninggija indita sal somoirangna donskaenga. Uamangko ta.rake interview ra.enba kamo appoint ka.genchimode unemploy chadamberangni neng.nikaniko namatna man.gen ine GSMC dilgipa aganaha.
Uni gisepon ia dabianiko knachakja ong.ode,chinga dingtang ja.ku de.aniko dakanggen ineba aganaha.
