Shillong, Oct 30: Mukla Raij Upper Primary School-ni Golden Jubilee Celebration ba bilsi 50 gapaniko, Budhbar salo Madan Thad, Mukla-o maniangaha.
Ia manianio jinmana aganprakengon, Deputy Chief Minister, Sniawbhalang Dhar, ia school-ni robol kal•chakram biapni pakmako tarie on•a ku•rachakangaha. Sorkarini dakchakaniko komibee man•genchimoba, sak 700 mangni gita chatro chatrirang ia school-o skie ra•na man•enganina ua kusi ong•anikoba parakangaha.
Ia school-ko 1974 bilsini April jaoni a•bachengataha aro Mukla Raij-ni ning•o ga•akenggipa dam 5 songrangni manderang, uamangni dedrangna lekka pora skianiko on•a miksonge, jinma tangka paisa ba gipin on•gilaniko dakenba school-ko a•bachengataha. Ia school-ko a•bachengatani somoio sak 15 chatro chatrirangsan skie ra•na re•bagiparang gnangchim, jean da•alo sak 700 mangni gita chatro chatrirang ia school-o skie ra•aniko dakenga.
Education Minister Rakkam A Sangma, ia school-ko a•bachengatna on•gilgipa manderangko mitelpilskaaniko dakangan baksa, uamangni a•selan Meghalaya a•dokna dangdike on•gipa ua jolni mingsinggipa manderangko uamang ong•kataha ine janapataha.
Jowai-ni MLA aro SMC-ni member ong•enggipa, Wailadmiki Shylla-ba, ia school-o skigiparangna dormahako on•a gita uamang bolrangko palskaesa on•rongaha ine aganan baksa, bi•sarangna nambata gadangni bida ko on•a man•a gita ia school-na dakchakaniko mikkangchi on•china ine sorkariko ua mol•molataha.
Na·simang ia video-koba nina man·gen:
Na·simang iakoba poraina man·gen: Williamnagar-ni Loyola College Annual Cultural Day-ko ga•subee manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
