Gangtok, June 7: India aro Nepal a·songni simao multi-trade corridor ba a·song damgnini gisepo bading chiwalgrikram ramako kulina gita miksonge Mongolbar salo, Sikkim a·dokni Chief Minister Prem Singh Golay, Geyzing a·jani Chewabhanjyang-ona re·angaha.
Mongolbar salo ua, Chewabhanjyang-ona sokangani ja·man, sima jolo gital rikgipa forest guest house-ko nokdonggae on·angjolaha.
Chewabhanjyang-o multi trade corridor-ko kuliani bidingo talataniko on·angengon, ia samara India aro Nepal a·song damgniko nangdimeatgipa sima ong·ani gimin a·song damgnini manderangnan namgniko ra·bana gita ia biapo multi trade corridor-ko kulina Sikkim sorkari miksongenga ine Chief Minister Golay parakataha.
Bading chiwalgrikaniosan ong·aigija, lekka pora, sanna banani, tourism aro uandakgipa kamrangoba India aro Nepal a·songni simarango dakchakgrikna man·na gita ia ramako tarina miksongenga ine Golay parakataha.
