Arunachal Pradesh, Aug 12: NSCN-K(YA) bobil dolni manderang ru•uta salrangonin Myanmar gita sima ari batsotna jotton ka•enganio kunsa-o donggipa Assam Rifles dolko chadrapaha. Ia a•selrangna Kunsa songni manderang namnikgija jegalaniko dakangaha.

Lekka pal•takrango a•sel ong•ani kosako namnikgijaniko see parake, uamangni songo tom•tomaniko nanga ine parakangaha. Bobil dolni chadrape a•sel ong•atanina matnange NSCN- K (YA) dolni Major General Payong Konyak-ni bimangko tarie so•e galanikoba dakaha.

Kunsa songo songdongenggipa manderangni jagalanio songni pilak me•chikma aro bi•sarangba warachakgipa dolna bakrimaniko mesokna jegalanio bak ra•tokpaaha. Indake ong•engon, Longding aro Tirap a•jarangoba bobil dolrangni kamrangko namnikgija jegalangtokaha.