Guwahati, Mar 28: Sukrobar pringni 11:50 bajimango, Myanmar a•songo 7.7 magnitude-o bilakbee banggriangaha aro ia banggrianichi, Thailand, Vietnam, Bangladesh, India aro China a•songrangoba moangaha.
United States Geological Survey (USGS)-oni koborko on•ani gitade, ia banggrichakgipa biapara Myanmar a•songo donggipa Mandalay songjinmaoni kilometer 17-mang chel•ao donggipa Sagaing songjinmao ong•a.
Ia banggriani changgni dake ong•aha aro gnigipaoba 6.4 magnitude-o bilakkalen banggriangaha.
Ia banggrianio dal•dale aro chue rikgipa nokrang nosto ong•bataha aro komibeoba sakbonga manderang siaha ine kobor on•aha. Mande sakgittamde, olakkiram nok tong•sa be•dapako man•e sina nangaha.
Ia banggrianio, Myanmar a•songni Mandalay songjinmao donggipa Ava Bridge (dolong)ba Irrawaddy chibimao be•gropaha.
Banggriangani ja•man, Myanmar a•songni skotong Nay Pyi Taw songjinmao chue rikgipa nokrangni be•gruanirangko, ramarangni be•anirangko aro krongrangni be•anirangko social media-rango niksona man•aha.
Bilakbee banggriangani ja•man, Sagaing, Mandalay, Bago, Magway, salaram Shan State aro Naypyiday songjinmarango manderangko dakchakna gita ta•raken sorkari ge•etaniko on•ataha.
India a•songoba ia banggrianiko Sukrobar pring 11:50 bajimango, a•songni skotong Delhi songjinmao ma•sina man•aha aro unbaksana Kolkata aro Imphal songjinmarangoba aditan moaniko ma•sina man•aha.
Ia banggriangani ja•man India a•songni Prime Minister Narendra Modi, social media-o an•tangni suk ong•gijaniko janapatengon, Myanmar aro Thailand a•songrango banggrianichi dakchakaniko nangenggipa manderangna India a•songba dakchakanirangko on•na tarie dongenga ine parakataha.
Na·simang ia video-koba nina man·gen:
Na·simang iakoba poraina man·gen: Guwahati-ni Journalist saksako police-rangni rim·taianina Shillong Press Club jegalgrima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
