Shillong, Feb 1: Re·baenggipa February-ni 27 tariko ong·atenggipa Meghalaya Legislative Assembly election-o Mylliem constituency-oni susana gita salo hajira ka·e cha·paenggipa Richard Nongbsab-ba Budbar salo, an·tangni nomination-ko file ka·angaha.

Skanggipa changna election-o susaenggipa Nongbsab-ni parakatani gitade, politician-rangni gam-jinrangna mikbokani a·sel kangal cholgrirangsa pangnan neng·nikanirangko chagrongna nangtokengani gimin ua kangal cholgrirangni ku·rangko on·skana gita ia election-o susaenga.

Mongolbar salosan a·dokni gitcham cabinet minister aro changgittamna MLA ong·enggipa Pynshai Manik Syiem-ba Mylliem constituency-oni susana gita nomination-ko file ka·angahachim.