Shillong, Apr 8: Adita salrangna skang, France a•songni Paris songjinmao gnigipa Indo-French Football Tournament-ko ong•atanio bak ra•e, gittamgipa biapko man•baahani gimin Myngken Christian Higher Secondary School-ni Meghalaya Football Team-na Mongolbar salo, Meghalaya a•dokni Chief Minister Conrad K Sangma, mande ra•pilskaaniko on•angaha.
France a•songo robol kal•susae Meghalaya a•doknasan ong•aigija India a•song gimiknan mikkim rasongko ra•baahani gimin ia skulni robol kal•gipa chadamberangko mittelpilangengon, ia tournament gimikon a•dokni chadamberang, an•tangtangni robol kal•na sapaniko, chegipa ong•na miksonganiko aro namgipa bewalrangko mesokaha ine Chief Minister aganaha.
Mikkangchi uamangni robol kal•anirango sorkari dakchakanirangko on•angkugen ine ku•rachakaniko on•angengon, France a•songona re•anganio sorkarini gong lak 50 tangka paisarangko dakchakataniara uamangni re•a doani korosmangmangsan ong•aijaha indiba uamangni robol kal•na chol man•aniko tang•doatna aro mikkangchi a•songni aro a•gilsak gimikni kal•susaanirango bak ra•na uamangko tarisoaniba ong•aha ine Chief Minister aganaha.
Ia 2025 bilsini June jao, a•gilsak gimik mingsinggipa France a•songni academy-o ong•atenggipa sal 20-ni training camp-ona Meghalaya a•dokni Under-18 Football Team-koba Europe a•songo mingnambatsranggipa Olympique Lyonnais Academy okamatenga ineba ia tom•anio Chief Minister parakataha.
Na·simang ia video-koba nina man·gen:
Na·simang iakoba poraina man·gen: Meghalaya-ni gitcham Chief Secretary, FEC-ni Chairman-na seokako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
