25 C
Tura

Nagaland a·dokni Dzukou a·kaweo kamenggipa wa·al komianga

Must read

Kohima, Jan 4: Re·anggipa December 29 tarikoni Nagaland a·dokni Dzukou a·kaweo kamenggipa wa·alrang da·o komiangaha ine Kohima-ni Divisional Forest Officer Rajkumar u·iataha.

“Ia wa·alni giproroaniko champengna gita dingtang dingtang dolrang rakbee kamrangko ka·aha,” ine Rajkumar parakataha.

DFO-ni u·iatani gitade, ia biapo kamenggipa wa·alko kimitna gita National Disaster Response Force (NDRF) baksana State Disaster Response Force (SDRF), Nagaland Police, Forest department aro Southern Angami Youth Organisation (SAYO)-ni volunteer-rangba jakko on·paenga.

“Dzukou a·kaweo wa·alko kimitna gita dingtang dingtang dolrang rakbee kamrangko ka·enga aro uamangna army aro Assam Rifles-ba pilak nanga dakchakanirangko on·enga,” ine DFO parakataha.

Indake ong·engon, Indian Air Force (IAF) dolni gitaba Dzukou a·kaweo kamenggipa wa·alko kimitna chirangko satengkua ine u·iataha.

Dzukou a·kaweo kamenggipa wa·alko kimitna IAF-ni Mi-17 helicopter bolbriko ra·bae Bambi bucket-rangchi chirangko satengachim.

Da·o dipet Dzukou a·kaweo wa·al kamchakatani a·selko tale ma·sikujaengoba, a·bri doanggiparang aro camp ka·e dongbagipa manderang, an·tangtangni dongchakgipa biaprango wa·alko name kimitbajahani a·sel wa·al kamchakatahakon ine official-rang chanchichipenga.

Ia Dzukou a·kaweara Nagaland a·dokni skotong Komiha songjinmaoni kilometre 30-mang chel·ao donggipa a·bri ong·achim aro ia biapona bang·a manderangan rona gita re·angrongachim.

More articles

-->
-->

Latest article