Kohima, Jan 9: State Economic Survey 2023-24-ni gitade, Nagaland a•doko bilsi 15-oni bilsi 49-ona HIV/AIDS saa man•giparang 1.36% mangni gita ong•a jean national average 0.2%-na badepila. Chu•gimik saa man•giparangko channa ong•ode uan 1.61% mangni gita gapangpila.
2006 aro 2023 bilsini gisepo, lakh 16 blood sample-rangko porikka ka•e nianio Nagaland a•doko sak 33,396 manderang HIV saa man•aha. 2023-24 bilsi mangmangon, porikka ka•e nianio1.17% sample ra•gipa gimikan HIV- positive man•tokaha.
Am•sandie nianiko dakanio, HIV-positive man•giparangoni 14.83% mangni gitade MBP Neviraoine sannaniko ra•enggiparang ong•a. 2023-24 bilsio 2.06%-ni gita bilsi 14-na komigiparang HIV-positive man•aha uarangoni 53.70%-de me•a bi•sarang aro 46.30%-ni gitade me•chik bi•sarang ong•skaa. 2007 bilsioni intal, sak 1,385 porikka ka•e nigiparangoni 2.09% mangni gita ia bilsini bi•sarang HIV-positive man•giparang ong•a.
Da•o dipet, Nagaland-o sak hajal 26,419 HIV-positive ong•giparangko Anti-Retroviral Therapy Centre (ARTC)-o segataha. Ia segatgiparangoni sak hajal 21,110-de sanna bannaniko ra•enga aro mittam sak hajal 3,116 manderangde therapy ra•mitting somoion a•gilsakko watangtokaha.
Ia mesokenggipa report-rangara, a•doko HIV batroroenganiko champengna gita awareness program-rangko aro rakbata ja•ku de•anirangko dakna nangchongmotaniko mesoka.
Na·simang ia video-koba nina man·gen:
Na·simang iakoba poraina man·gen: Arunachal Roing-ni NE Zone Sports Climbing Competition-o Meghalaya-oniba bak ra•anggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
