Nagaland, April 18: Nagaland Lok Sabha Election-ni skanggipa bako April jani 19 tariko, sakgittam manderang chongmotan, Nationalist Democratic Progressive Party (NDPP)-ni candidate Dr Chumben Murry jean People’s Democratic Alliance (PDA)-ni namnike susaatenggipa candidate-ba ong•enga, indake ong•engon Congress doloni Nagaland Congress President S Supongmeren Jamir aro Independent candidate Hayithung Tungoe Lotha, iamangan Nagaland a•dokni damsamangmang constituency seat-na susagrikenga.
Nagaland a•dokni Lok Sabha Election-ko maming neng•nikani gri matchotatna gita pilak tarisamsoanirangko dakmanaha, indake Sukrobar salni bako lakh 13.25 pu•ongiparang sikdepe pu•onachi ia sakgittam susagiparangoni saksako chegipa ong•atgen.
Skanggipa changna pu•ona sigipa sak 19,999 chadamberang, sak 22,140 senior citizens ba bilsi 85-na batgiparang aro sak 6,707 be•enni gita neng•nikaniko man•giparang gimikko man•gope chu•gimik sak 13,25,383 pu•ona man•giparang an•tangtangna on•gimin bilrangko jakkale pu•onanggen.
Chu•gimik dol 180 polling party-rang, an•tangtangni polling station-tangtangona re•angtokaha, iano chu•gimik dam 2,342 polling station-rang donga. Ia dam 2,342 polling station-rangoni dam 588 polling station-rangde kengnigipa ong•enga ine u•iataha.
Iano me•chikrangna pu•onchakna gita dam 506 polling station-rang donggen, indake dambri polling booth-rangko be•enni gita neng•nikani donggiparangna jakkalangskagen.
Nagaland a•dokni salaram jolni damdok a•jarang, Frontier Nagaland Territory-ko dabiani gita ia election-o bak ra•jawa ine tik ka•angskaaha, jeon lakh 3 hajal 99 pu•ona man•giparang gnangchim.
Na·simang ia video-koba nina man·gen:
Na·simang iakoba poraina man·gen: ST status-ni bidingo Kokrajhar MP-ni mol•molaniko HC jegalata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
