Kohima, June 13 : Nagaland a•doko, Urban Local Body (ULB)-ni election-ko bilsi 20 jaman ong•atna siengon, pilak Nagaland-ni political dolrangan bilsubee campaign ka•anirangko a•bachengataha. Ian municipal election-o skanggipa changna me•chikrangna 33 % seat-rangko a•kange ong•atenggipa election ong•enga.
A•dokni election commission-ni u•iatani gitade, sak 238 me•chikrangko man•chape chu•gimik sak 669 candidate-rang ia ULP election-o susana gita bimungrangko segatokaha. Nomination file ka•giminrangko re•baenggipa bristibar salo scrutiny dakenba, June jani 20 tariko bimung ra•pilna am•giparangna somoirangko on•anggen.
Battanggimin 2004 bilsio ULP election ong•ataoni da•onaba ong•ataia dongkuja ine Supreme Court-ni u•ia jamansa ia election-ko ong•atna gita parakataha, maina ia civic body-ni term-ra 2009-10 bilsion bon•manahachim. Indake ong•engon, iako ong•atna gita namen neng•nikanirangko chagrongna nangani bang•en gnang, maina Naga People’s Organisation (ENPO) dol, June 26 tariko civic poll ong•atna am•ako namnikjae jegalaniko parakatan baksana, Eastern Nagaland-ni dam 6 a•jani manderangkoba vote ka•jachina gita didianiko dakangaha. Iani gisepon, a•dokni dingtang dingtang authority-rang baksana a•dokni Governor aro State Election Commission nangrimenba, ENPO dol aro Eastern Nagaland-o songdongenggipa manderangko re•baenggipa ULP election-o bak ra•pachina gita didianiko dakangaha.
Na·simang ia video-koba nina man·gen:
Na·simang iakoba poraina man·gen: NSCN (K) dol baksa jak donggipa sakgni manderangko lakh 12 tangkarang baksa rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
