Dimapur, Apr 10: Chief Election Officer (CEO) Vyasan R, April 5 tariko Wokha songjinmani LTC Conference Hall-o 1-Nagaland Parliamentary Constituency-na campaign ka•engmiting somoio kragijagipa kattarangko agananina, Nagaland-ni BJP dolni dilgipa Yanthungo Patton-ni kosako show cause notice-ko on•ataha.
Yanthungo Patton, jean, eleksin-ni somoio BJP dolna wenaniko dakengachim, songko noko dilenggiparang jekai, Council Chairman, Gaon Bura ba songni nokmarang aro Polling Agent-rangko pu•ontaitaianiko dakchina didiani ja•wilwatko social media-rango niksona man•enga, jean, songni manderangni man•gimin kraa bewalo pu•onani bilni kosako niam pe•ani ong•a ine CEO janapataha.
Ia ja•wilwato, Chief Minister Neuiphiu Rio-ni dongpaanio, Nagamese ku•sikchi Patton-ni agananiko nikna man•aha.
Indake, ia ja•wilwatni social media-rango giproroani jamano, songdong a•chaenggipa manderangni man•gimin bilrangko ua mande ra•a ine aganan baksa Patton, jinmao kemakoba bi•ataha.
Na·simang ia video-koba nina man·gen:
Na·simang iakoba poraina man·gen: Nagaland BJP dilgipani kosako, CEI, show cause notice-ko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
