Kohima, Apr 1: Nagaland-ni ge•sa Lok Sabha seat-na, sak 3 candidaterang susaaniko dakanggen.
Indake, bilo ong•enggipa Nationalist Democratic Progressive Party (NDPP)-ni candidate Chumben Murry, Congress-ni candidate S.Supongmeran Jamir aro Independent candidate Hayithung Tungoe Lotha, dolgittamni gisepo susaanggrikanggen.
Chumben Murry, saksa a•dokni gitcham minister ong•a jean, NDPP-ni dilenggipa People’s Democratic Alliance (PDA)-ni nangrime nominee ka•a man•gipa candidate ong•a.
Congress-ni state President aro gitcham MLA, Jamir, skanggipa changna Parliamentary seat-na susaenggipa ong•a. Indake, Independent candidate, Lotha, saksa songsalo warachake dangdike on•gipa, politician aro entrepreneur ba ong•achim.
2019 bilsini Lok Sabha Election-o, NDPP, Congress, NPP aro Independent-ni candidaterang susaaniko dakon, NDPP-ni nominee ka•gipa Tokheho Yepthomi bang•a vote-rangko man•enba chegipa ong•aha.
Indake, Nagaland Lok Sabha Election-ni skanggipa phase-ko April 19 tariko ong•atanggen aro June 4 tariko channaniko dakangskagen.
Na·simang ia video-koba nina man·gen:
Na·simang iakoba poraina man·gen: Sak 133 candidaterang dam 50 Arunachal Pradesh Legislative Assembly Election-o susagen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
