Shillong, Dec 29: Shillong-ni Zoological Survey of India-ni 2005 bilsio Nagaland-ni Mon a•jaoniko chimonggipa rokom 2 garani dolrangko bilsi 20 ong•na am•piloba u•ina man•kugijagipako adita salrangna skang mangmangsa, Khasi Hills Long-Tailed Lizard (Takydromus Khasiensis) ba Khasi Hills-o nikna man•gipa rokomsa ki•me ro•gipa garani dol ine u•ina gita man•aha aro ian Nagaland a•doko iandakgipa rokomni garako skanggipa changna man•chenggipaba ong•enga.
Iandakgipa ki•me ro•gipa garani dolko Meghalaya, Assam aro West Bengal-osan nikkuaiengachim. Ia am•sandie man•aniara, maikai nichangala man•gimin janggi gnanggipa do•o matrangba mongsonggipa science-ni bidingo u•iatanirangko on•a dakchakanikoba mesoka.
2005 bilsini August 6 tariko, Rosamma Mathew, am•sandianiko dakronggijagipa Nagaland-ni Mon a•jani Mon Forest Rest House-o survey ka•mitting somoio, Rosamma Mathew, ia gararangko ra•angaha. Ia rokom-rangko Zoological Survey of India-o (VR/ERS/ZSI/212 A-B) ine bimungko see tape donenga. Adita salrangna skang, Calcutta ZSI-ni am•sandianiko dakgipa Sumidh Ray, re•anggipa bilsio Shillong ZSI-ona re•baenba uno donenggipa ia rokomsa gara mang 2-ko re•bae nienba u•ina gita man•enba, uni Reptiles & Amphibians journal-o ia rokomni bimungko u•iate talataniko dakataha.
Scientist-rang ia ki•me ro•gipa rokomni gararangko name poraie nianiko daka jaman mongsonggipa bimangni bakrang, be•en bimangni dingtang dingtang dal•a ba chonnani, be•eni bakroani 49.7 mang ong•ani aro ki•meni 150 mm ong•aniko nigrike ian, Khasi Hills-o nikna man•gipa ki•me ro•gipa rokomsa gara ong•a ine u•ina gita man•aha.
Nagaland, uni dingtangmanchagipa aro am•sandie nia dongkugijagipa janggi gnanggiparangni dongram biap ong•ani gimin, haida ia biaprango bang•a am•sandie man•a kragipa do•o matrang dongkuengnaba donga ine ka•donganirang gnang.
Na·simang ia video-koba nina man·gen:
Na·simang iakoba poraina man·gen: Hahim-o a•sel ong•anio Garo Hills-oni sak 20 mangni gita saknaa man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
