Guwahati, July 5: Budbar salo, Nagaon a•jani Juria police station-ni ning•o donggipa Dumdumia songo matcha chadrapani a•sel sak 3 manderang saknaako man•aha, jeon chi ban re•ani a•sel a•doko so•so jengjeng ong•engachim.
Saknaa man•gipa mandeko sanna bannaniko on•a gita Guwahati-ni private hospital-ona rimangaha. Indake uamangni obostarang namjabatengani gimin uamangko Deo Care Private Hospital-ni ICU-ona jitatskaaha.
Saknaa man•giparangara, Jenni songni bilsi 55 ong•gipa Abdul Azit, Kaladuba salgipeng songni sakgni manderang chongmotan bilsi 26 ong•gipa Akhtar Ali aro bilsi 28 ong•gipa Sandia Atabur Rahman ong•achim. Iamang sak 3-oni Akhtar Ali-ni obostarang namjabatenga.
July jani 3 tarik pringo, Jenni songni bijangchio primary skul-ni sambao donggipa a•palona re•angmitting somoio matcha uamang sakgniko chadrapenba namen saknaako man•ataha.
Ua jolo donggipa songni manderangni u•iatani gitade, chi ban re•ani a•sel ia matcha uamangni sambao donggipa buringona napbahakon aro iana agreba buringo bang•a matcharangkoba nikna gita man•engaha. Nagaon a•jani Dumdumia-ni sambao donggipa Jengani jolo ia matchako nikna gita man•aha.
Guwahati-ni forest guard dolrang, District Forest Officer-ni dilanio matchako tom•tomatna gita man•ahaoba, da•o dipet rim•na gita man•kujaenga.
Na·simang ia video-koba nina man·gen:
Na·simang iakoba poraina man·gen: Tura-o bakrobate dangdike on•anggipa Bishop a•gilsakko watanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
