Baghmara, Mar 2: NALSA Scheme aro Government Welfare Scheme-rangni bidingo u•iataniko on•a miksonganio, Meghalaya State Legal Services Authority aro High Court Legal Services Committee, Shillong aro dingtang dingtang sorkari department-rang baksa nangrimenba mega camp baksana awareness program-ko South Garo Hills-ni Baghmara-o Sonibar salo ong•atangaha.
Ia program-ko “Back to School” ine katta bichongko donenba ong•atangaha jeon sorkari department-rang baksana a•jani bang•a manderang dongpae bak ra•angaha.
Justice Thangkhiew jinmana aganprakengon, sorkarini on•enggipa dingtang dingtang scheme-rangni bidingo u•iatani on•a gita iandakgipa program-rangko ong•atna nangchongmotengani gimin aganan baksa sorkarini on•enggipa pilak scheme aro man•gnirangko u•ie ra•an baksana uarangko man•a jotton ka•na nanga ine jinmako didiataha.
Ia tom•anio, be•en aro bimangni gita neng•nikaniko man•enggipa manderangna dakchakani device-rangko on•angaha aro Self Help Group-rangna aro Village Organisation-rangna, National Rural Livelihood Mission-ni ning•o cheque-rangkoba suale on•angaha.
Iana agreba ia tom•anio, Aadhar, MHIS enrollment, Legal Aid Services aro indin health checkup-rangkoba ka•e on•angaha. Unbaksana dingtang dingtang SHG-rangni tarigimin bosturangkoba ia mega camp-o mesokangaha.
Na·simang ia video-koba nina man·gen:
Na·simang iakoba poraina man·gen: Boko B.ed College-o AI application-ko lekka poraianio jakkalani bidingo interactive session-ko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
