Boko, Feb 23: Central Rubber Board (CRB), ong•telaigipa rubber-rangko a•doko man•a gita Assam, Meghalaya aro salgro salaramni gipin a•dokrangoni ge•e game cha•enggiparangko, rubber baganko ge•a gamaniko dakchina didiani gita, dingtangmanchagipa scheme-ko a•bachengataha.
Meghalaya a•dokni ning•o Umshru-Paham songo 40 hectares mangni a•ao sorkarini bak gita ‘Atmanirbhar Bharat’ project-ni, Omega Nursery-ko a•bachengataha.
Ia nursery-ko, JK Tyre-ni Vice President aro Automotive Tyre Manufacturers Association (ATMA)-ni Chairman ong•enggipa, Anshuman Singhania, ATMA -ni Director General, Rajiv Budhraj, Rubber Board-ni Commisioner, V. A. Shakeer aro Project Coordinator, Dr. Ashritha baksa nangrimenba, Bristibar salo, nirokaniko dakangaha. Ia Nursery, Central Rubber Board-ni nirokani ning•o chalaienggipa ong•achim.
Kobor ra•timgiparang baksa agangrikengon, an•tangtango pangchake janggi tanggipa India a•song ong•atna Prime Minister Narendra Modi-ni nikjumanganiko chu•sokatna gita, ‘ATMA’-ni memborrang bakrimenba nangrime kamko ka•anggen inenba Singhania ku•rachakaniko on•ataha.
Unbaksana, Assam a•doko aro sepangbatgipa a•dokrango, rubber-ko tariani karkanarangko, ATMA-ni gita rike on•gen aro iani bidingo, a•dok sorkari, songko noko dilenggiparang aro manderangko bakrimpachina ineba mol•molataha.
Indake, iandakgipa karkanarangko a•bachengatanichi, a•dokni silroro namroroaniko tang•doatna man•gen aro rubber-oniko tarigipa bosturangko aro tyre-rangko tarianioba manderangna janggi tangani cholba ong•gen ine ka•dongsoanikoba ua parakataha.
ATMA-ni gita, Central Rubber Board-ni official-rang aro dal•dalgipa company-rangni representative-rangni dongpaanio, Guwahati-ni Borjhar-o salgnina program-ko ong•atgen. Ia program-o “Indian Natural Rubber Organization for Assisted Development (INROAD) Project” ni bidingo talate on•aniko dakanggen.
Na·sinang ia videokoba nina man·gen:
Na·simang iakoba poraie nina man·gen: Airports Authority of India, gitalgipa taxiway aro gari neng•takate donchakram biapko oprake on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
