29.8 C
Tura
spot_img

Namjabeenggipa PWD ramako A·chotchong-ni manderang taritoka

Must read

Tura, Oct 23: Mikkarang aditan jime wagenchimoba, Bajengdoba Block-ni ning·o donggipa Gokol-oni Pedaldoba-ona dakanggipa PWD ramako A·chotchong jolni manderang gimik ong·katgrime taritokaha.

Koborna seachi u·iatani gita, ua ramara Gokol-oni A·chotchong-ona aro A·chotchong-oni Raksamgre-ona nadike tarigipa gitchambatgipa rama damsa ong·achim.  Indake, ia kamko ka·dilna  A·chotchong Development Committee-ni padot Shri. Tengsrang D. Sangma, GSU Mendal Regional Unit-ni General Secretary Te Samar R. Marak aro padot Luki Momin uamang ua galchipe donenggipa ramako tarina gita ku·mongdilaha jeon bang·a NGO-rang aro songni-nokni manderang gimik bakko ra·angtokaha.

Je ramakon song dam 20-30-ni manderang re·tokengachim, uni namjani a·selo manderang bang·a neng·nikanirangko chagrongani gimino uamang an·tangtangan kang·kare kae salsani job card-ni kamtangtangko dongalchengeba songni manderang gimikan ong·katgrime ka·tokaha.

Indake ong·engon, ua ramako an·tangtang tarina nanganio darang political dolkoba iano galonna ba matnangna miksongja ine A·chotchong Development Committee-ni Padot aganataha aro jinmani namgnina darangkoba nisenggija ong·katgrime ku·cholsan ia kamo bakko ra·tokani gimin Mendal Regional Unit-ni General Secretary Te Samar R. Marak kusi ong·anikoba parakatjolaha.

spot_img

More articles

spot_img
-->

Latest article