Shillong, Mar 19: Ia Lok Sabha election-o ‘tol•pinapgipa’ kattarangko jegale, namroro silroroaniko ra•baanio aro jatni daka rikanirangko ripinganio pilakkon ku•cholsan ong•china gita National People’s Party (NPP)-ni candidate aro MLA Ampareen Lyngdoh, Shillong parliamentary constituency-ni manderangko didiangaha.
Tol•e agangipa kattarangko dal•e ra•jachina aro ong•gija ramao dilsretaniko man•jachina didiatengon, ku•cholsan ong•anichisa pilak kamrangon chu•sokgipa ong•na man•a ine Lyngdoh aganaha.
Lyngdoh-ni parakatani gitade, bilsi bongani ja•man uni constituency-o dingtanganiko nikna man•ahani giminsa ua NPP baksa bakrimaha.
“Uni gimin an•tangtangni gittimrango iandakgipa namroro silroroaniko nikna sikenggipa pilakkon anga okamenga. Batanggimin obostarang na•simangko champengjachina aro an•chingni gisepo dingtang dingtang jat ong•e ma•ekgrikataniko an•ching apsan ku•cholsan ong•e bon•atsrangna. Anga namgipa kamko ka•nasa re•mikkangenga aro anga pilak manderangkon ku•cholsan ong•atna man•na gita Nokgipa Isol angna pattichina,” ine Lyngdoh aganaha.
Na·simang ia video-koba nina man·gen:
Na·simang iakoba poraina man·gen: Patanjali-ni dilgiparangko kachario mikkangpachina SC ge·eta
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
