Shillong, Feb 17: Meghalaya a•doko pilakni gitan namroro silroroaniko ra•bana man•engani gimin a•dokni manderang, National People’s Party (NPP)-ko ra•chaktokaha aro re•baenggipa February 21 tariko ong•atenggipa Khasi Hills Autonomous District Council (KHADC) election-oba NPP chegipa ong•gen ine Mawshynrut Constituency-ni NPP candidate Gardinal Sohshang, an•tangni ka•dongchakenganiko parakataha.
Election-na campaign ka•ani chu•sokgipa ong•enga ine janapatengon, KHADC-ni Mawshynrut constituency-o cheani ja•man ua Khasi-rangni daka rikani, Village Administration ba songko nokko chalaiani aro Khasi Social Custom of Clan Administration Bill 2020-ko chel•chakna kam ka•gen ine Sohshang ku•rachakaniko on•angaha.
Mawshynrut constituency-o NPP baksa susagrikenggipa gipin candidate-rangni gimin janapatskaengon, ia constituency-o sakdok candidate-rang susaengoba uni mongsonggipa susagrikanide Hill State People’s Democratic Party (HSPDP)-ni candidate-sa ong•enga ine Sohshang aganaha.
Sohshang-ni aganani gitade, Mawshynrut constituency-o sak 40,000-na baten pu•ongiparang donga aro ianoni sak 10,000-mangni gitade A•chikrang aro gipinrangde Khasirang ong•a.
Ia election-o ua 15,000-oni 20,000-mangni gita vote-rangko man•na ka•dongenga ineba NPP candidate aganaha.
2023 bilsini Assembly election-o HSPDP-ni candidate Methodius Dkhar, NPP-ni candidate aro gitcham MLA Gigur Myrthong-ko 5187 vote-rangchi cheahachim ine nikskana man•a.
2023 bilsini Assembly election-ko toe janapatengon, ua chango dolgittam ba dolbri political dolrangsan susaaiachim indiba ia MDC election-ode NPP, BJP, INC, HSPDP, VPP, UDP aro Independent candidate saksaba susaengani gimin Mawshynrut constituency-ko NPP chena ka•dongenga ine Sohshang aganaha.
Ia KHADC election-o NPP, gimik dam 29 constituency-rangoni dam 25 constituency-rango susaenga ine nikna man•a.
Na·simang ia video-koba nina man·gen:
Na·simang iakoba poraina man·gen: Tura Hawakhana-o gari bolgni chatinggrike a•sel ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
