Shillong, Sept 22: Bajar-antirango nanggipa bostuni damrang anti-prakon tang·dorikrikenganichi ramram manderang neng·nikaniko chagrongna gita nangengani inenba, assembly-ni warachakgipa dol Voice of the People Party (VPP)-ni MLA Pa Ardent Miller Basaiawmoit, Sukrobar salo assembly tom·anio dingtang dingtang bimango ra·seke ra·enggiparangni kosako ja·kurangko de·atani gimin sorkario sing·doaniko dakangaha.
Pilak nanggipa bosturangni dam barienganiara, a·dokni ning·o nangana batpile gilamanirangko dakani a·selsa ong·enga aro bading-chiwalgiparang ua tangkarangko man·pilna gita nanggipa bostuni damrangko bariatskaenga ine Nongkrem-ni MLA aganangaha.
Damrangni tang·doaniara, a·dokosan ong·aigija India gimikchin apsankon manderang chagrongna gita nangenga ine Food Civil Supplies & Consumer Affairs-ko jako ra·enggipa minister Pa Comingone Ymbon, MLA-ni sing·anina aganchakaniko on·angskaanio, uni aganani gita, a·songo cha·anirangko chu·onge man·janichi, toni damrang barianichi, sin·a-ding·a dingtanganichi, mikkarang waa komianichi aro minggipin bang·a a·selrangchi bostuni damrang tang·doskaenga ine talataniko on·angan baksa, damrangni tang·doaniko nirokna gita a·doko district vigilant committee gnang, aro uamangan mobile app aro GPS-ko jakkale Iewduh, Laitumkhrah aro Rynjah, iarango bostuni damrangko nirikkienga ineba ua talataniko on·angjolaha.
Follow NE Hub News with just a Click on Whatsapp; Direct Link here
A·doko platic-ni mirongko man·enga ingipako Sohiong-ni UDP MLA Pa S Lyngdoh-ni sing·angskaanina aganchakaniko on·angengon, Pa Ymbon, be·enna namgniko on·gipa mirong ba fortified rice-ni gimin a·dokni manderang u·itokjaesa plastic-ni mirong ine chanchisrettokenga ine aganange, manderang maibakai plastic-ni mirongko man·bebeengode, uamangko chingni department-na u·iatskachina gita didianiko on·bo ineba ua agandapataha.
A·doko bostuni damrang tang·doenganiko nirokna gita sorkari ja·kurangko de·ataha ine minister iana skang talataniko on·angengon, nanggipa bosturangko kraa damrango bree ja·mano uarangko dam bate palskaenggipa manderangko sandie rim·china gita district aro sub-division-rangna department, ge·etaniko on·jringenga aro Essential Commodities Act, 1955 aro Prevention of Black Marketing and Maintenance of Supplies of Essential Commodities Act, 1980-rangni ning·o niam pe·aniko rim·a man·giparangni kosakoba sinjetaniko on·enga ine minister u·iatangaha.
Iakoba poraie nina man·gen: ‘Climate Change & Waste Management’-ni bidingo awareness program-ko ong•ata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
