New Delhi, Sept 23: Prime Minister Pa. Narendra Modi September 22 tariko United Nations ni tom·bimonganio video conference gita jinmana aganprakataha. Bilsi 75 na skang a·gilsak gimikna bimang ge·sanko ong·ate dakgrik dinggrikarangoni an·pilanina itihas ko ong·ataha ine ua aganaha.
Namgipa niksamsoaniko nike bimang ong·atanio bak rengsiko man·pae India an·tangni bebera·anio teng·chakani ong·aha jean pilak ong·atanirangkon nokdangsan gita ong·nikaha. UN peacekeeping mission ko man·chape tom·tomanina aro namdapanina re·mikkanggipa rangko de·mitelengon, Prime Minister United Nations ni donganichisa an·chingni a·gilsak da·o namgipa biap ong·enga ine aganaha.
A·gilsakni tom·tomanina kam rangko ka·e remikkangengon bang·a chu·sokdapna nanggnirangba dongkuenga. UN ni parakatani an·tangko nambataniona dingtangataniko ra·chakaniba ong·a.
Prime Minister chu·gimik namdapanirangko dakjaode gitcham niam rangchide gitalgipa neng·nikanirangko namatna amajwa aro UN o ka·donganirang komigen ine aganaha. Ia chasongo a·gilsak gimikan nangdikgrikaha uni gimin dingtang dingtang a·songrangni sorkarirangba bak ra·na man·ode nambata aro unosa neng·nikanirangko u·igrikgen, namdapanina kam ka·gipa a·songrag baksa India mikkangchi kam ka·rimna nichaksoenga ineba ua aganaha.
