Tura, Mar 28: Adita salrangna skang, Mumbai songjinmani Palghar-o donggipa SPSSA-o All India BenchRest Shooting Championship-ko ong•atanio, North Garo Hills a•jani sakdok manderang, Meghalaya a•dokni pal bakko ra•eaha aro ia susaanio uamang pilakan chu•sokgiparang ong•aha.
Ia BenchRest Shooting-ara silchidareko jako rim•gija bench-o donchake gosusaani ong•a aro ia goaniko North Garo Hills a•jao, Resubelpara-ni Davis Koksi Sangma 2024 bilsio a•bachengataha. Ia gosusaanio gisik nangatako man•e Davis, BenchRest Shooting-ko skie ra•na re•angaha aro uni skanggipa jotton ka•e nianion ua 62% score-ko man•aha.
Skie ra•anirang matchotani ja•man ua songtangona re•bapile, gisik nanggipa gipin manderangnaba skie on•eskaaha aro uandaken North Garo Hills a•jao, Elite BenchRest Shooters-NGH-ko bikotaha.
Ia dolo uamang sakdok membor-rang gnang aro uamangara Anthony D Marak, Davis Koksi Sangma, Jerash K Marak, Namsilchi Koksi Sangma, Rakku D Marak aro Salchurak Arengh ong•a. Ia dolko bikotani ja•man uamang jadokna gisiko nangbee ia BenchRest Shooting-ko skie ra•aha aro uandaken gittamgipa changna ong•atanggipa All India BenchRest Championship 2025-na tarisamsoaha.
Ia National BenchRest Championship-ko March-ni 22 aro 23 tarikrango ong•atangaha aro ia gosusaanio uamangoni pilakan qualifying score-ko man•e chu•sokgiparang ong•aha.
Ia gosusaanio, uamangni dilgipa Davis Koksi Sangma, 250 point-oni 222 (88.8%)-ko man•e 18-gipa biapko man•aha aro North Garo Hills-nasan ong•aigija Meghalaya a•dok gimiknan mikkim rasongko ra•baaha.
Na·simang ia video-koba nina man·gen:
Na·simang iakoba poraina man·gen: Gimaenggipa sakgittam me·chik bi·sarangko Naharlagun Police jokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
