Shillong, June 12: Budbar salo, Shillong-ni Civil Hospital aro State Cancer Society, Meghalaya nangrimenba ‘National Cancer Survivors Day’ ko Civil Hospital Cancer Wing-o maniangaha.
Ia manianio, cancer sabisiko man•e nampilgipa manderangko mande ra•aniko dakangan baksa, a•doko cancer sabisi baksa dakgrikkuenggipa manderangni gimin u•iataniko on•angjolaha.
Batanggimin February jaoba, Meghalaya Cancer Conclave-ko, “Close the Care Gap” ine katta bichongko donenba, cancer sabisiko kraa bewalo sanna bananiko on•aniko u•iatna miksonge maniangaha, jeon, dingtang dingtang mong•songgipa dolrang, jekai, oncologist, cancer-ni gimin sandirikitaniko dakgipa dolrang, gisik a•ning bitgipa manderang, NGO-rang aro uandake gipinrang dongpae bakko ra•angaha.
Una agreba, 2023 bilsini May jao, cancer sabisiko u•ina man•a gita porikka ra•e nianiko dakna aro sengnang sanna bananiko ra•china aro name nirokaniko dakchina didianiko on•a miksonge, a•dok sorkarini State Cancer Society baksa Apollo Telemedicine Foundation aro World Economic Forum nangrimenba ‘Megh Can Care’ program-ko ong•atangaha.
Unbaksana, manderangna indin dakchakaniko on•enggipa cancer helpline number 14410-koba a•dok sorkari a•bachengataha.
Health Minister, Dr. Ampareen Lyngdoh, sorkarini gita cancer sabisiko man•gipa manderangna nambata sanna bannaniko sorkari on•enga aro a•dokni dingtang dingtang a•jarango, cancer sabisiko sannani ostro-rangko ra•bana kamrangkoba ka•enga ine aganangaha.
Health & Family Welfare Department-ni Principal Secretary, Sampath Kumar-ba, cancer sabisiko man•e nampilgipa manderangni agananirangko knae, an•chingba cancer sabisiko sengnang sangenchimode uko nampilatna man•a ine ka•dongani gnang aro ia gamchatgipa u•iataniko giproroatna nangchongmota ine aganaha.
Una agreba, cancer sabisioni nampilgipa manderangba uamangni chagrongbagimin bakrangko jinmana parakakangaha. Uamangoni saksa, an•tangko ka•sae nirok simsake sannahanina, Shillong Civil Hospital-ni doctor aro pilak sanna bananiko on•enggipa dolrangko mitelpilskaaniko dakangan baksa, ia sabisiniko man•a dipet sengnang porikka ka•e nianiko dake sanna bananiko ra•chinaba pilakon didiataha.
Indake, Shillong Civil Hospital-ni Cancer Wing-o, sak 7000-8000 cancer saenggipa manderangko bilsiantian sanna bananiko dakenga aro ian sorkarini gita krengbate kam ka•batenggipaba ong•enga.
Na·simang ia video-koba nina man·gen:
Na·simang iakoba poraina man·gen: Lt Gen Upendra Dwivedi-ko Indian Army-ni gital Chief-na seoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
